COMEZA BEN O CURSO

Un novo curso está a punto de comezar. Os preparativos escolares son unha pesada carga económica que pode afectar a moitas familias.

Dende o centro de ensino RONSEL, queremos facilitar a tódolos pais esta volta ao cole. Se eres estudante de calquera dos niveis de EDUCACIÓN PRIMARIA, tes a posibilidade de recibir CLASES PARTICULARES GRATUITAS durante todo o mes de SETEMBRO. Só tes que contactar con nós ANTES do 31 de AGOSTO, e poderás disfrutar desta axuda para tódolos cursos e materias.
Cada semana os alumnos interesados poderán asistir a unha clase de duas horas, da materia elixida. Impartidas por mestres titulados, as clases serán de grupos reducidos. A oferta estará vixente ata cubri-los grupos dispoñibles.
RONSEL dispón tamén de CLASES PARTICULARES de E.S.O. e Bacharelato, así como OBRADOIROS DE ARTE, con actividades de debuxo, pintura, collage, modelado e manualidades para os máis pequenos.

Así que, non o penses máis, e...
comeza ben o curso.

A ALDEA

No obradoiro de Arte infantil, seguen a realizar obras de grandes artistas, neste caso galegos. Castelao foi o elixido por Yaiza Aguín, que puido representar paisaxes tan característicos deste polifacético artista e escritor galego que tanta obra nos deixou. Cada vez imos acadando máis destreza, e ainda que a técnica do óleo está por ensinar, cos acrílicos estamos xa a ter un manexo canda menos dominado. O que falta é un pouco de paciencia, ainda que obra a obra vai aparecendo: as prisas nunca foron boas.

RINCÓNS DE SANXENXO

O venres pasado organizouse o II Concurso de Pintura ao Aire Libre "Rincóns de Sanxenxo". Unhas alumnas de Ronsel e máis eu decidimos presentarnos e as dez da mañá xa estábamos plantadas na praza de Bordóns, cuns ricóns elixidos e dispostas a pintar un lenzo ao óleo. Pola tarde, xa rematadas as pinturas presentámonos na praza do Concello, onde o resto dos artistas e mais nós mostramos o traballo realizado durante toda a xornada. O Centro Cultural e Deportivo de Sanxenxo, organizador do evento procedeu a entregar os premios aos galardonados. Máis información preme aquí.

O NENO XESÚS DA VIRXE DO CARME

Fai unha semana, o Neno Xesús da Virxe do Carme, sufriu un incidente na procesión da subida das imaxes á Igrexa de Sta. Mª de Adina. Á gravedade do caso uniuse a proximidade das festas de Portonovo, onde a Virxe do Carme ten un día adicado a súa festividade. Al alteracións producidas pola caída foron o suficientemente visibles como para necesitar dunha intervención de restauración. Por un lado a perda de capa pictórica deixaba ao descuberto a imprimación, e o que foi máis grave: a separación da peza da nuca, que o escultor fai a propósito para a introducción dos ollos da imaxe. Unido a isto, houbo que facer unha limpeza de restos de suciedade incrustada na capa pictórica, así como unha eliminación de repintes anteriores que falseaban a imaxe e que estaban centrados na súa maioría na faciana.

O resultado é bastante salientable, debido ao estado no que chegou. Hoxe mismo sae do obradoiro para lucir ao lado da Virxe do Carme na procesión do día 17 de agosto en Portonovo.

CAFETERÍA SAUDADES

Dende hoxe ata finais deste mes de agosto, parte das miñas obras encóntranse expostas nesta cafetería situada en pleno Paseo de Silgar. Moitos recoñecerán parte dos lenzos, unha colección feita de pequenas postais de lugares visitados. Destacar tamén dous lenzos de esceas de baile, onde o retrato destaca por sí mesmo. In situ comprobaredes o realismo da representación cun intento de recoñecer ata o extremo a realidade representada.

PINTURA GALEGA DO XIX E XX

A Sala de Exposicións de Nauta Sanxenxo, ubicada no Porto Deportivo Juan Carlos I, acollerá unha mostra de relevantes pintores dos séculos XIX e XX. A partir de mañán, día 1 de agosto, poderemos ver unha mostra de óleos dos máis importantes artistas galegos como Sotomayor, Avendaño, Colmeiro, Laxeiro, Souto, Seoane, Maside, Antonio Fernández, Frau, Eugenio Granell, Manuel Torres, Castillo, Solla e Grandio, entre outros. Ademáis, veciños e visitantes do municipio poderán contemplar tamén obras de integrantes da Escola de París como Bores, Ismael de la Serna, Ginés Parra, Lago Rivera, Grau Sala e Viñes; así como de artistas pertencentes ao grupo El Paso entre os que destaca Canogar e Saura.
Esta iniciativa, organizada pola galería de arte Montenegro de Vigo permanecerá aberta ao público do 1 ao 5 de agosto en horario de 12 a 14 horas e de 18 a 23 horas.

CENTRO TÉCNICO SAN MARTÍN

A partir do 3 de setembro, a miña vida discorrerá paralela entre Ronsel e o novo Centro Técnico San Martín. Formando parte dun equipo de profesionais da restauración, levaremos a cabo como obxectivo principal a correcta e minuciosa restauración do patrimonio, asegurando a calidade e rigurosidade das intervencións, que desenrolará un incansable traballo de recuperación, conservación y formación. Ronsel manterá a súa andaita, tanto artística como de ensino particular, guiado coas mesmas directrices que ata o de agora.

TRAS AS PEGADAS DE DELOS

O pasado xoves, día 19, ás 20:30 horas, no Pazo da Peregrina de Bertamiráns, Ames, a Asociación galega de arte e cultura AGAEC, inaugurou, coa presenza do alcalde e concelleiro de cultura do citado concello, unha exposición colectiva itinerante, baixo o título "Tras as pegadas de Delos", na que poderá contemplarse pintura, escultura, gravado, cerámica, fotografía, debuxo e tapiz.
Perto de 40 obras realizadas por 15 membros de dita asociación: Teresa Añón, Beatriz Núñez, Esther Molinero, Carmen Sevillano, Fran Lareo, Javier Reiriz, Rosa Fernández, Paco Ramos, Sagrario Rilo, Pepa Mariño, Jesús Pereira, Isabel Andrés, Aurora Pombo, Cuca Pérez e Pepe Potel. E 15 artistas plásticos novos procedentes de: Bélxica, Inglaterra, Alemania, Finlandia, Romanía, Italia, Siria, Canadá, EEUU, Brasil, Arxentina e Cuba: Reina D´Hore, David Crooks, Maribel Dos Anxos, Carita Dubrovin, Denisa Curte, Antonio Calla, Alí Alí, Anyck Kerloc´H, Justin, Stock,María Chenut, Fabiana Corrêa, Cristina Pérez, Patricia Malvestiti, Daviz Plana e Orlando Yanes respectivamente. Tamén contará con representantes do eido da plástica de Madrid, Carlos Crespo e Vicente Ruiz, Salamanca, Cidade Real, Granada e Cádiz.
Os traballos que se expoñen foron elaborados polos distintos creadores con total liberdade formal e conceptual, aprotando cada un a súa particular visión do mundo, o seu persoal linguaxe expresivo.
A pluralidade de plantexamentos intelectuais e culturais que ún pode contemplar no incomparable marco do Pazo da Peregrina de Bertamiráns, ata o día 31 de xullo, constitúe, sen dúbida, un factor de enriquecemento individual e colectivo ao tempo que ofrece a posibilidade de abrir un espazo de diálogo e comunicación entre artistas e público, unha inmellorable oportunidade para mergullarnos na diversidade artística e cultural.
O día 1 de agosto trasladarase á Casa Mariñeira da Pobra do Caramiñal e continuará o seu percorrido por distintas salas municipais de Galicia. No mes de setembro poderá visitarse na Galería Sargadelos da Estrada, estando previsto que finalice esta itinerancia internacional en Oporto.

ALTERARTE

Onte, ás 16:30 horas da tarde, inaugurouse na sala de exposicións de Nauta Sanxenxo, no porto Juan Carlos I, unha exposición de artistas plásticos galegos. Catorce artistas participan con diferentes técnicas, neste lugar de exposicións moi ben situado para a parada e disfrute da arte da nosa comunidade. A feira Alterarte rematará o próximo 24 de xullo, polo que non desaproveitedes a ocasión de asistir.

PIN UP

Estamos no verán e a actividade de Ronsel é moito máis relaxada que no inverno, por iso as entradas dende o mes pasado son moi escasas. Pero seguimos aquí, dando clases de apoio para os exames de setembro, e adicando ese tempo libre que nos deixa a praia para relaxarnos pintando. Ardoiz veu de rematar un lenzo moi especial, comezado xa na casa e rematado no obradoiro. Agora que está tan de moda a volta ao pasado, en concreto aos anos 70 e 80, nesta obra amósase un estilo que recorda máis ben aos anos 50 ou 60, onde a publicidade e a imaxe feminina tiñan un estilo moi lonxano do que vemos hoxe nos anuncios de prensa. Destaca a voluptuosidade das formas corporais, a erótica do estilismo e a sinxela representación dunha figura de muller insinuante, onde os abalorios e unha escasa prenda tapan o imprescindible.

O POZO

Unha alumna máis remata a obra do curso antes de ires de vacacións. Unhas vacacións moi relativas para Sara Besada, que serán recompensadas unha vez que remate o verán. Neste caso, e sendo fiel as súas representacións non deixa de lado os motivos florais, e a técnica da espátula, que ainda que lle da traballo, a complementa moi ben co pincel, e pouco a pouco vai colléndolle confianza. Mágoa que non teña para mostrarvos a primeira obra deste curso, unha composición de 5 lenzos cun motivo común, que converteuse nun éxito en Ronsel e na súa casa. A partir de ahí, os encargos non paran.

ROMA

Buscas en Roma a Roma ¡oh peregrino!

y en Roma misma a Roma no la hallas:

cadáver son las que ostentó murallas

y tumba de sí proprio el Aventino.

Yace donde reinaba el Palatino y limadas del tiempo,

las medallas más se muestran destrozo a las batallas

de las edades que Blasón Latino.

Sólo el Tibre quedó, cuya corriente,

si ciudad la regó, ya sepultura

la llora con funesto son doliente.

¡Oh Roma en tu grandeza, en tu hermosura,

huyó lo que era firme y solamente

lo fugitivo permanece y dura!

FRANCISCO DE QUEVEDO

Poemas del Alma

ITSMO

Outra obra rematada é a de Mónica. Unha paisaxe de mar moi sinxela pero cun protagonista moi destacado, o itsmo central, fundido na paisaxe de fondo. Sen dúbida, unha obra que a estas alturas de comezo de verán vai moi indicada.

NENA HINDÚ

Pasan os meses do curso, e as obras vanse rematando. Ardoiz fai un paréntese no verán e lévase con ela esta obra de temática tan similar ás anteriores. Nenas, mulleres, rapazas, noutros ambientes, noutras situacións, todas elas despertan en nós sentimentos e sensacións. Son imaxes máis que decorativas. Son emocionais. Técnicamente ofrecen as mesmas características. Continúa a mesma relación pincel-espátula, a última en inferioridade nesta obra. As cores seguen sendo as protagonistas. Ainda que nun primeiro momento os ollos vaian á nena e a súa mirada, os ropaxes e teas que a protexen e a enmarcan, comparten protagonismo. En setembro máis.

A PRIMEIRA

Ainda que comezou onte, como quen dí, Asun entrou con moitas gañas no obradoiro. Tanto na casa como nas clases, demostra un interés moi grande na pintura. Sen embargo, ainda que esta primeira obra lle resultara máis ou menos doada, falta o control en moitos campos. Por tanto, imos considerala un exercicio máis. Despaciño e con tranquilidade, iremos apagando ese nervo rápido que demostra en cada clase, para conseguir que os detalles cobren máis importancia que a obra rematada.