LATANDA

Descubrín un novo espazo artístico e creativo aberto á mocidade en Vigo para exposicións, concertos, teatro, recitais poéticos, pintura, fotografía, curtametraxes... Latanda encóntrase no pub El Ensanche, Santiago, 1, 1ª travesía en Vigo. A entrada custa 2 €, o 50% da recadación destinarase a Amnistía Internacional. Existe a posibilidade de facerse socio por 12 € ó ano recibido unha camiseta, unha chapa, desconto do 50% na entrada, información semanal da programación e carné de socio. Podedes achegaros tódolos sábados a partir das 19 horas.

X CERTAME DE ARTES PLÁSTICAS ISAAC DÍAZ PARDO

Os artistas galegos, ou residentes en Galiza, que traballen no campo das artes plásticas (pintura ou obra gráfica), poden concorrer a este certame, cun máximo de dúas obras de técnica e temática libre. O certame ten por obxecto a exposición e adquisición de obra por un importe máximo de 45.000 €. Máis información.

COWPARADE EN VIGO

Ao longo dos últimos oito anos, centos de vacas veñen dando vida a diversos centros urbanos de grandes capitais como Zurich, Chicago, Nova York, Sydney, Houston ou Londres.
Colocadas en grandes beirarrúas, prazas e xardíns, as vacas convértense nun espectáculo de primeira magnitude. O público identifícase ao momento coas vacas cando comeza a percibir elementos e símbolos relacionados ca arte, a cultura e os costumes locais.Os patrocinadores convértense entón nos principais protagonistas posto que son eles quen fan posible este gran espectáculo.
CowParade é un fenómeno social que convida ao cidadán a participar estimulado pola orixinalidade e a magnitude do acontecemento, disposto a descubrir o resto de rabaño. Intrigado pola cantidade e calidade de vacas,o público gravitará arredor das vacas durante os tres meses de exposición gozando deste espectáculo único e gratuíto.A exposición cérrase para dar paso a unha gran subhasta de Caridade que permitirá recaudar fondos para as ONGs que o Concello de Vigo considere máis adecuadas.
CowParade é un acto público gratuíto financiado a través de empresas patrocinadoras públicas ou privadas e que favorece ás ONGs.As vacas de fibra de vidro de tamaño natural, deséñanas, píntanas e decóranas artistas locais ou ben créanse pensando nunhas necesidades concretas, promoción de marca ou produtos dunha empresa en particular. Despregadas en prazas, rúas, parques e xardíns da cidade actúan como atracción turística, provocan o sorriso do visitante e dos membros da comunidade, e á súa vez contribúen á vida e á economía da cidade que as acolle. A primavera de 2007 verá unha nova edición CowParade, o maior espectáculo artístico público do mundo, cando as vacas se expoñan nas rúas e prazas de Vigo.

DE PICTURA

Onte, anunciado na prensa e en concreto no diario La voz de Galicia, aparece a noticia dunha interesante exposición, no Centro Social Caixanova de Pontevedra. Esta institución acollerá dende o 28 de marzo ata o vindeiro 27 de maio a exposición Destino la Libertad 1962 – 2002. Colección De Pictura, que inclúe obras de grandes artistas como Barceló, Broto, Saura, Tàpies o Sicilia. O resultado é unha exposición impactante e potente, formada por obras de gran formato, a través das cales o espectador parece mergullarse nun mundo de intensidade, cor, forza expresiva e pasión creativa.

A mostra permanecerá aberta ao público en horario de 18.00 horas a 21.30 horas todo os días da semana, ademais de en horario de mañá de 11.00 horas a 14.00 os sábados, domingos e festivos.

Invítovos a visitala, e a percorrer unha etapa artística dentro da arte nacional, visagra de creación das novas avangardas e o arte contemporáneo dos nosos días.

O SPRING FINAL

Xa sei que nestos momentos os rapaces andan así de estresados, tamén os do Centro de Ensino RONSEL, ainda que algúns, nestes momentos dan por rematados os exames do trimestre. ¡¡¡Noraboa ós aprobados!!!

Quédanos unha tanda máis, a de final de curso, que para aqueles que dependen de evaluación continua, ten moita importancia, así que non deixedes pasar a oportunidade.

E para os que ainda así lle quedaran pendentes materias, nós non pechamos, así que no vran verémonos as caras, polas mañas ¿eh?, que o resto do día é para disfrutar.

A ILUSTRACIÓN NO CONTO INFANTIL

O próximo 23 de abril, celébrase o día do libro. Por este motivo, o centro de ensino RONSEL, quere adicar este mes ás numerosas e heterogéneas creacións visuais que acompañan ós textos literarios infantís.
Estas manifestacións artísticas funcionan como apoio e ilustración da literatura. Pero tamén como espazo de creación para todos aqueles deseñadores e artistas que ven nos libros unha forma de expresión atractiva e directa, dirixida ó público máis cativo.
As ponencias de profesionais do mundo da arte, docencia e edición, estarán intercaladas con obradoiros nos que o alumno pode achegarse ás diferentes técnicas da ilustración.

MÓDULO TÉCNICO: 12 horas, os mércores do 18 de abril ó 9 de maio (de 19:00 a 22:00 h.)
MÓDULO TEÓRICO: 8 horas, os venres do 20 de abril ó 11 de maio (de 20:00 a 22:00 h.)

Expedirase diploma acreditativo de participación a aqueles que asistan con regularidade no monográfico.
Os materiais necesarios no módulo técnico están incluidos .

BAILARINA AÑIL

Da fábrica RONSEL sae hoxe unha pequena xoia. Pequena polo formato, pero grande nos detalles, as transparencias do tul, as sombras das carnacións, a irrealidade dos azuis... Esa sensación de interioridade e reflexión reflíctese na postura e estado de pensamento desta bailarina añil. Foi un reto máis de Mª José Ardoiz. O seguinte non será menos.

NOTA DE PRENSA

Hoxe saímos na prensa, no Diario de Pontevedra. Saimos os que lemos, a que escribe e por suposto este blog: http://www.obradoiroronsel.blogspot.com.

Foi unha sorpresa, cando o mirei, por moitas cousas... entre elas por ver que hoxe non había nada interesante que cubrir, e darme conta de que teño os blogs mencionados na lista de acceso directo, ou sexa que non me perdo nada do que acontece.

Saúdiños os compañeiros.

CAMIÑA OU REBENTA

Unha compañeira de estudos na Escola de Conservación e Restauración de Pontevedra, dicíame que era como o "Lute". Desde aquela acórdome ben dela porque ainda que non a vexa con frecuencia teño o meu corpo para darme conta do que me parezo a ese personaxe da realidade histórica española. Ben sei que hai que cumplir uns horarios e desconectar do traballo para que non ocupe ata as horas de soño, pero é complicado, sobre todo cando non te para a cabeza nin debaixo da ducha.

O cansancio por estrés volve a ser diagnosticado así que hai que irlle facendo caso a doutora pero pouco a pouco e sen agobios "que non hai presa".

MARIÑA III

Seguindo coa serie de Mariñas, Isabel Martínez Montes, remata este óleo que non será o derradeiro, xa que ten previstos dous máis coa mesma temática.

Dun primeiro vistazo é necesario destacar o logrado efecto de profundidade e o detalle de elementos como as rochas e a area mollada que entroncan perfectamente coas marcas irregulares que deixa a espátula na espuma das ondas ou nos recantos das rochas.

É, sin duda, unha das súas mellores mariñas.

FLORAL

Dentro da temática de flores, este lenzo acompañounos xa no curso pasado. Hoxe a súa autora, Moly, rematouno, non sin algún atranco, xa que a consecución desde o inicio non foi doado. Trátase dun lenzo de gran formato cuns tons vermellos e rosas que fan do motivo un centro de atención constante. Non se rinde nin se aburre, e na próxima clase comeza un novo motivo floral, esta vez máis animada.

FAMA O MUSICAL

O sábado pasado tiven unha sorte de medo. Conseguín dúas entradas para Fama o Musical do día seguinte no auditorio de Caixanova en Pontevedra. Hoxe sei que si perdera a oportunidade de telas, daríame unha mágoa incrible porque a actuación foi unha experiencia. Cando chegamos encontramos con xente coñecida que xa levaba meses coas entradas na casa. Foi o meu primeiro musical e estivo cheo de sorpresas, así que seguramente non será o derradeiro. O gasto valeu a pena. Para os interesados, en xuño está no auditorio de Vigo.

CRITERIOS DE RESTAURACIÓN

Lei 16/1985, de 25 de xuño de 1985, de Patrimonio Histórico Español.
BOE nº 155 de 29 de xuño de 1985; BOE nº 296 de 11 de decembro de 1985
Debemos ser prudentes á hora de xuzgar o traballo de intervención nos restos declarados ben cultural. Como restauradora remito á Lei de Patrimonio Histórico pola que esta obrigada diferenciación serve de coartada a algúns para formalizar solucións que alimenten a súa vanidade; sen embargo, é posible (como logrou Torres Balbás na Alhambra) distinguir o novo do vello sen estridencias, sen danar a imaxen xeral e confiando na perspicacia do espectador.
As reconstruccións ou reintegracións non poderán ser miméticas, deberán ser doadamente diferenciables das partes orixinais, xa que do contrario estaríamos caendo na falsificación.
Sen embargo, este é un dos temas favoritos no mundo da restauración, xa que o concepto de "diferenciable" é moi relativo, xa que pode ser diferenciable a simple vista, de preto e non de lonxe (é o que se pretende en moitos casos) pode ser diferenciable polo troco de textura ou cor (outro método) e pode ser diferenciable porque no informe que redactamos así o contempla mediante documentación fotográfica e croquis.
As reintegraciones só se llevarán a cabo en zoas onde se sabe a ciencia certa cómo era orixinalmente, mediante o estudo histórico ou formal da peza, senon estaríamo-nos "inventado" o obxecto.

DESPEDIDA CON TANXARINA

O venres RONSEL pechou moi tarde... Tivemos a visita dun grupo de titiriteiros chamado Tanxarina, que nos deleitaron con demostracións das posibilidades de representación dos títeres de luva. O curso comezou o día 26 de xaneiro, e dende aquela os 15 alumnos puxeron as súas habilidades para a confección e elaboración dos títeres de luva. Temos que dicir que o curso fíxose curto, quedounos por ver a confección a tamaño real dun teatrillo para as representacións. Esperamos que non tarde moito a organización dunha próxima continuación.

É preciso agradecer a colaboración desinteresada de Tanxarina, que ofreceron unha gran profesionalidade na charla, cos seus coñecementos e o seu manexo, non só de títeres de luva, senón tamén de variña con diferentes modalidades.

Ó final saímos todos cenados cunhas boas racións de empanada e viño da casa.

Grazas Tanxarina e ata outra.

P.D. Se queredes apreciar ó seu manexo non vos perdades as súas representacións no Festival Internacional de Redondela o próximo mes de maio.

VELEIRO E PAISAXE

Onte tivo lugar a inauguración á que asistiron os participantes e amigos da II Mostra de pintura e escultura UN PASEO ENTRE-ARTE.

Como primeiro día da mostra, presento a dous dos artistas que expoñen: Pepa Mariño coa escultura Veleiro,

e Josefina Alonso co lenzo Paisaxe.