Rematando Maio, os alumnos van deixando o curso. Unha delas, Isabel, apurou a finalización deste óleo antes do verán. Outra temática de mariña coa que se despide dunha etapa adicada a estes motivos tan cercanos e coñecidos do noso pobo, da nosa provincia, da nosa Galicia.
A ausencia de entradas estos días, foi debida a un parón na actividade artística de Ronsel. Unha semaniña fóra non estivo nada mal para cargar as pilas e vir con novas ideas e ilusións. A verdade é que custou volver ao rego, pero xa na casa, as obrigas non fan máis que acelerar ese aterrizaxe forzoso. 
Hoxe finalizou a Semana Naval, e como mañá imos estar moi ocupados, hoxe apuramos a creación da derradeira entrada deste evento. Ainda que onte fixemos maquillaxe de facianas, hoxe repetimos pola boa acollida que tivo. 
No último día na Semana da vela, ainda que un pouco máis fría que o resto dos días, os nenos animáronse a visitarnos e pola mañá poidemos velos presumindo de "careto".
Pola tarde adicámonos a facer figuras con globos. Ainda que moitos estoupan antes de rematar as figuras, poidemos agasallar a moitos nenos coas formas tan orixinais da globoflexia. As raíñas da tarde foron as flores e os sables, ainda que tamén houbo monos subidos a palmeiras e paxaros namorados. Eso sí, de todas as cores. As monitoras intentaron facer todo tipo de representacións, ainda que houbo algunha que tivo algúns problemas de estoupidos.
Este sábado os obradoiros foron moi visitados, de feito os nenos estiveron moi animados e non deixaron de participar nas dúas actividades a desenrolar. 
Pola mañá fixemos figuras con papel. A papiroflexia ainda que parece complicada, coas indicacións dos monitores foi moi sinxelo que os rapaces fixesen as súas propias figuras. 
Pero foi a actividade da tarde a que máis xente congregou. O de pintar caras con formas de animais e personaxes resultou moi interesante e todos quixeron transformarse por unha tarde. Aquí tedes algúns exemplos.
A xornada do venres na Praza do Mar, foi do máis orixinal. Pola mañá decidimos facer modelado en plastilina. Os colores eran moitos e as formas: todas as relacionadas co mar. Os rapaces fixeron coas mans toda clase de peixes...
As pinturas foron das máis sorprendentes. Eso sí, todos eles estiveron moi centrados para que os seus amigos e familiares os recoñecesen.
.JPG)
Onte, na Praza do Mar, Ronsel comezou cos obradoiros de artesanía e tempo libre. Pola mañá fixemos uns xogos de presentación, con cancións e bailes. .JPG)
Pola tarde adicámonos a pintar con témperas de moitas cores as pedras collidas nas praias de Sanxenxo. .JPG)
.JPG)
O tempo foi boísimo. Algunhas alumnas de Ronsel disfrutaron dun paseo en veleiro pola ría, como foi o caso de Lucía, Yaiza, Ana e Iria..JPG)
Este mes de maio, ten lugar un dos eventos náuticos máis importantes deste ano na ría de Pontevedra. Trátase da Semana Naval RÍA DE PONTEVEDRA, unha competición que ten como finalidade a promoción da vela, como disfrute e como deporte de élite. 
Sempre pensei que a ensinanza das artes plásticas podería orientarse dende moitas posicións, a miña a tiña clara. Cando montei o obradoiro a finalidade primeira foi a de restaurar e conservar obras de arte (pintura, escultura ou moble), sen embargo a chegada de pezas nunca comeza de forma regular e o obradoiro non podería levarse adiante. Entón, a idea de dar clases de artes plásticas a nenos e maiores pareceume atractiva, sempre nunha postura de aprendizaxe das técnicas dende os primeiros bocetos. Era posible e resultaba prometedor. Co que non contei foi coa visión que ten a xente da arte, unha forma de entendela como resultado e non como proceso. A resposta do público foi positiva, estou tendo un número de alumnos non excesivo, pero ó que sí podo corresponder cun trato individual e progresivo. Sen embargo, no que non coincidimos, no caso da maioría, é na visión e resultado das clases. Para a meirande parte do alumnado, menos mal que cada vez son menos, o pintar é producir cadros para adiante, a finalidade é a decoración da casa, o regalo ó familiar ou o fardar diante do veciño. Se se quedan con algo aprendido mellor que mellor pero non fai falla, nin sequera importa que o chegar a casa non teñan nin idea de qué facer cun lenzo en branco. Non amigos, non é que o descubrira agora, dous anos e medio despois de levar funcionando o obradoiro, senón que pasado xa ao final do curso replantéome os requisitos e obrigas que terei que pedir ó alumno na matrícula do ano que ven. Sei que perderei xente, pero négome a que confundan un obradoiro de artes plásticas cunhas clases de manualidades para mulleres rurais (con todos os meus respetos para a actividade e para as que a realizan).O meu caso, un de moitos, é o resultado do desprestixio hacia as artes, todas elas belas, a falta de coñecemento e a tan extendida incultura. 
No auditorio multiusos de Redondela, do 21 ao 27 deste mes de maio, temos a oportunidade de disfrutar dun variado elenco de compañías de títeres de todo o mundo. Por medio dos nosos amigos do grupo Tanxarina, informámosvos dunha ocasión para que nenos e maiores disfruten destas representacións.
