ALTERARTE

Onte, ás 16:30 horas da tarde, inaugurouse na sala de exposicións de Nauta Sanxenxo, no porto Juan Carlos I, unha exposición de artistas plásticos galegos. Catorce artistas participan con diferentes técnicas, neste lugar de exposicións moi ben situado para a parada e disfrute da arte da nosa comunidade. A feira Alterarte rematará o próximo 24 de xullo, polo que non desaproveitedes a ocasión de asistir.

PIN UP

Estamos no verán e a actividade de Ronsel é moito máis relaxada que no inverno, por iso as entradas dende o mes pasado son moi escasas. Pero seguimos aquí, dando clases de apoio para os exames de setembro, e adicando ese tempo libre que nos deixa a praia para relaxarnos pintando. Ardoiz veu de rematar un lenzo moi especial, comezado xa na casa e rematado no obradoiro. Agora que está tan de moda a volta ao pasado, en concreto aos anos 70 e 80, nesta obra amósase un estilo que recorda máis ben aos anos 50 ou 60, onde a publicidade e a imaxe feminina tiñan un estilo moi lonxano do que vemos hoxe nos anuncios de prensa. Destaca a voluptuosidade das formas corporais, a erótica do estilismo e a sinxela representación dunha figura de muller insinuante, onde os abalorios e unha escasa prenda tapan o imprescindible.

O POZO

Unha alumna máis remata a obra do curso antes de ires de vacacións. Unhas vacacións moi relativas para Sara Besada, que serán recompensadas unha vez que remate o verán. Neste caso, e sendo fiel as súas representacións non deixa de lado os motivos florais, e a técnica da espátula, que ainda que lle da traballo, a complementa moi ben co pincel, e pouco a pouco vai colléndolle confianza. Mágoa que non teña para mostrarvos a primeira obra deste curso, unha composición de 5 lenzos cun motivo común, que converteuse nun éxito en Ronsel e na súa casa. A partir de ahí, os encargos non paran.

ROMA

Buscas en Roma a Roma ¡oh peregrino!

y en Roma misma a Roma no la hallas:

cadáver son las que ostentó murallas

y tumba de sí proprio el Aventino.

Yace donde reinaba el Palatino y limadas del tiempo,

las medallas más se muestran destrozo a las batallas

de las edades que Blasón Latino.

Sólo el Tibre quedó, cuya corriente,

si ciudad la regó, ya sepultura

la llora con funesto son doliente.

¡Oh Roma en tu grandeza, en tu hermosura,

huyó lo que era firme y solamente

lo fugitivo permanece y dura!

FRANCISCO DE QUEVEDO

Poemas del Alma

ITSMO

Outra obra rematada é a de Mónica. Unha paisaxe de mar moi sinxela pero cun protagonista moi destacado, o itsmo central, fundido na paisaxe de fondo. Sen dúbida, unha obra que a estas alturas de comezo de verán vai moi indicada.

NENA HINDÚ

Pasan os meses do curso, e as obras vanse rematando. Ardoiz fai un paréntese no verán e lévase con ela esta obra de temática tan similar ás anteriores. Nenas, mulleres, rapazas, noutros ambientes, noutras situacións, todas elas despertan en nós sentimentos e sensacións. Son imaxes máis que decorativas. Son emocionais. Técnicamente ofrecen as mesmas características. Continúa a mesma relación pincel-espátula, a última en inferioridade nesta obra. As cores seguen sendo as protagonistas. Ainda que nun primeiro momento os ollos vaian á nena e a súa mirada, os ropaxes e teas que a protexen e a enmarcan, comparten protagonismo. En setembro máis.

A PRIMEIRA

Ainda que comezou onte, como quen dí, Asun entrou con moitas gañas no obradoiro. Tanto na casa como nas clases, demostra un interés moi grande na pintura. Sen embargo, ainda que esta primeira obra lle resultara máis ou menos doada, falta o control en moitos campos. Por tanto, imos considerala un exercicio máis. Despaciño e con tranquilidade, iremos apagando ese nervo rápido que demostra en cada clase, para conseguir que os detalles cobren máis importancia que a obra rematada.

UNHA CASA EN BORDÓNS

Esta semana Moly sorprendeunos cando apareceu polo obradoiro cun lenzo xa a punto de rematar. Comezouno a esbozar na escola pero para non perder tempo nos días que o obradoiro ía estar pechado, levouno para casa. Teño que dicir que me sorprendeu gratamente, resolveuno moi ben, pese a ter complicacións nas interpretacións das reixas ou da mampostería dos muros. Realmente viuse que pode valerse por si mesma, e eso que o tema non se presentaba nada doado. Felicidades pola obra, Moly... e espero que lle guste ao agasallado.

Un bico.

A DERRADEIRA MARIÑA

Rematando Maio, os alumnos van deixando o curso. Unha delas, Isabel, apurou a finalización deste óleo antes do verán. Outra temática de mariña coa que se despide dunha etapa adicada a estes motivos tan cercanos e coñecidos do noso pobo, da nosa provincia, da nosa Galicia.

Pensando no próximo tema, o troco de pintura será radical, ainda que a técnica ofrecerá similares características, profundizando máis no pincel, un tanto esquecido ata o de agora.

UN RESPIRO

A ausencia de entradas estos días, foi debida a un parón na actividade artística de Ronsel. Unha semaniña fóra non estivo nada mal para cargar as pilas e vir con novas ideas e ilusións. A verdade é que custou volver ao rego, pero xa na casa, as obrigas non fan máis que acelerar ese aterrizaxe forzoso.

Un saudiño para os que deixamos alá. Graciñas pola vosa hospitalidade. Bicos...

1 GLOBO, 2 GLOBOS, 3 GLOBOS

Hoxe finalizou a Semana Naval, e como mañá imos estar moi ocupados, hoxe apuramos a creación da derradeira entrada deste evento. Ainda que onte fixemos maquillaxe de facianas, hoxe repetimos pola boa acollida que tivo. No último día na Semana da vela, ainda que un pouco máis fría que o resto dos días, os nenos animáronse a visitarnos e pola mañá poidemos velos presumindo de "careto".Pola tarde adicámonos a facer figuras con globos. Ainda que moitos estoupan antes de rematar as figuras, poidemos agasallar a moitos nenos coas formas tan orixinais da globoflexia. As raíñas da tarde foron as flores e os sables, ainda que tamén houbo monos subidos a palmeiras e paxaros namorados. Eso sí, de todas as cores. As monitoras intentaron facer todo tipo de representacións, ainda que houbo algunha que tivo algúns problemas de estoupidos.

MAQUÍLLATE MAQUÍLLATE

Este sábado os obradoiros foron moi visitados, de feito os nenos estiveron moi animados e non deixaron de participar nas dúas actividades a desenrolar. Pola mañá fixemos figuras con papel. A papiroflexia ainda que parece complicada, coas indicacións dos monitores foi moi sinxelo que os rapaces fixesen as súas propias figuras. Pero foi a actividade da tarde a que máis xente congregou. O de pintar caras con formas de animais e personaxes resultou moi interesante e todos quixeron transformarse por unha tarde. Aquí tedes algúns exemplos.

O MEU AUTORRETRATO

A xornada do venres na Praza do Mar, foi do máis orixinal. Pola mañá decidimos facer modelado en plastilina. Os colores eran moitos e as formas: todas as relacionadas co mar. Os rapaces fixeron coas mans toda clase de peixes...

Pola tarde, a tarefa foi outra: autorretratarse diante dun espello. A algún custoulles máis e a outros tiñan sabido moi ben como era a súa faciana. As pinturas foron das máis sorprendentes. Eso sí, todos eles estiveron moi centrados para que os seus amigos e familiares os recoñecesen.

PINTANDO PEDRAS DE MAR

Onte, na Praza do Mar, Ronsel comezou cos obradoiros de artesanía e tempo libre. Pola mañá fixemos uns xogos de presentación, con cancións e bailes. Pola tarde adicámonos a pintar con témperas de moitas cores as pedras collidas nas praias de Sanxenxo.

Foron moitos os que participaron. Nenos e maiores como poderedes ver nas seguintes fotos sacadas durante a tarde de onte. O tempo foi boísimo. Algunhas alumnas de Ronsel disfrutaron dun paseo en veleiro pola ría, como foi o caso de Lucía, Yaiza, Ana e Iria.

As monitoras, Sonia e Andrea pasáronno en grande. Visto o visto, hoxe repetimos e estaremos ata o domingo.

OBRADOIROS NA PRAZA DO MAR

Este mes de maio, ten lugar un dos eventos náuticos máis importantes deste ano na ría de Pontevedra. Trátase da Semana Naval RÍA DE PONTEVEDRA, unha competición que ten como finalidade a promoción da vela, como disfrute e como deporte de élite.

Desenrolarase no Porto de Sanxenxo, coincidindo coa ponte das Letras Galegas, entre os días 17 e 20 de maio. Na Praza do Mar, instalarase o village, onde se celebrarán actividades complementarias, non só para os participantes e acompañantes dos regatistas, senon tamén para o público en xeral.

Ronsel disporá dunha carpa para a realización, por medio de Entretendas C.C.U., de obradoiros de artesanía e tempo libre, adicados ao público infantil. Tódolos nenos que o desexen poderán disfrutar de actividades creativas e lúdicas, totalmente gratis. Os obradoiros realizaranse en horario de mañá e tarde, os catro días do evento. Esperamos veros por alí !!!